Alejandro Rodríguez Lema, veterano alcalde de Vimianzo desde fai máis de 20 anos foi suspendido de militancia por decisión de Executiva federal do PSOE, segundo adiantou o xornal El País.

A noticia publicábase na edición galega de El País este 26 de marzo e asegura que a Comisión Executiva federal do PSOE  decidiu suspender de militancia ó alcalde vimiancés. Segundo este medio a gota que colmou o vaso foi que nas pasadas eleccións o rexedor fixera campaña en contra do BNG, socios do bipartito, e pedira o voto “para o PSOE ou para o PP”.

A primeiras horas da mañán, o alcalde de Vimianzo  aseguraba estar moi tranquilo e rehusaba facer ningún tipo de comentario ó respecto, non querendo entrar a valorar esta noticia e asegurando que non había recibido ningunha comunicación ó respecto.Non obstante, Anosacosta.com pode adiantar que Rodríguez Lema presentará as oportunas alegacións cando teña esta confirmación nas súas mans.

O FUTURO COMPLEXO PARA O PSOE EN VIMIANZO

O PSOE contaba con seis concelleiros en Vimianzo e goberna en minoría con pactos puntuais co Partido Popular. Estes “acordos” foron o detonante das discrepancias. A edila socialista Lourdes Pérez Espasandín pasábase o grupo dos non adscritos, e a concelleira de Cultura, Nieves Lema Vilariño mantiña a súa oposición a esa liña política. Despois das eleccións autonómicas, desde o PSOE galego iniciaban un expediente informativo ó alcalde por unhas declaracións explosivas en Radio Obradoiro. Rodríguez Lema reaccionaba apartando do goberno a edila discrepante Nieves Lema Vilariño. Tamén é público o distanciamento político por parte do alcalde, con respecto a secretaria comarcal e deputada, Marisol Soneira Tajes. En cambio Lema Vilariño considérase unha persona próxima a Soneira.

Os outros tres concelleiros do PSOE en Vimianzo apoian ó alcalde. José Manuel Rodríguez, José Antonio Miñones, Claudio Pereira e a maioría dos militantes apoian a Alejandro Rodríguez. Estes tres edís ligaron o seu futuro dentro do Partido Socialista ó destino que corra Rodríguez.