Manuel Rivas

Manuel Rivas ultima o seu novo libro, “Todo é silencio” que seguramente volverá a ser un éxito de vendas e de críticas. Aínda que a historia se desenvolve na vila imaxinaria de Brétema, o autor coruñés segue recreando aspectos reais da Costa Atlántica.

O protagonista é Mariscal, un capo contrabandista de fulgurante ascenso social e económico. “O libro está ambientado nas últimas décadas do século XX, trata da vida da xente deste lugar e das distintas xeracións. Pódese dicir que trata das almas da vila” comentou Rivas nunha entrevista no Xornal de Galicia.

Fontes da editorial, Xerais, comentan que a novela ten 220 páxinas, e que a portada foi deseñada por Miguel Anxo Prado. Estará no outono nas librarías.