Comisión de Afectados

A NEGATIVA DO CURA DE SANTA COMBA A SOTERRAR A UNHA VECIÑA PROVOCA UNHA AGRIA POLÉMICA

 A negación do párroco José María Pintos a acompañar no soterramento a difunta Celia aínda supura días despois en Santa Comba. Unha ferida demasiado grande como para pecharse ós poucos días de que sucedera. Non se fala doutra cousa no pobo, e as cámaras de televisión e os xornalistas son habituais moradores dos entornos do cemiterio.

Este pasado martes 19 de xaneiro, celebrábase o funeral dunha veciña de Santa Comba. A noticia saltaba cando o cura xalleiro e Arcipreste de Céltigos negábase a acompañar o cadáver e os seus familiares, nos últimos momentos.

As cousas terrenais as veces mixtúranse coas do ceo, e Celia  quedou sen a derradeira oración, polo pecado de ter un dos panteóns no cemiterio novo. Un grupo de veciños tomou a decisión de introducir o ataude no seu nicho, ante o desconsolo do viúvo, Manuel Suárez que non entende a actitude do párroco, que alegou unha situación de ilegalidade para poder participar na sepultura, cando nese mesmo cemiterio e nos nichos da polémica hai personas que recibiron o seu adeus cristiano.

Non sabemos o que opinarán as autoridades eclesiásticas, pero a decisión do cura José María Pintos causa recelo na capital do Xallas. Tódalas personas coas que falamos critican a súa actitude, e algunhas optan polo silencio. Pero a inmensa maioría creen que este foi un capítulo excesivo “e don José María pasouse catro pueblos” ou pensan que “non me extraña que cada vez a xente vaia menos as igrexas”.

Citámonos nun bar a excasos metros da igrexa parroquial, con membros da comisión de afectados pola ampliación do cemiterio. Seis personas ó noso redor, que expresan o seu malestar co sucedido. O portavoz da comisión de afectados rexeita a determinación tomada polo párroco:

“Foi unha verdadeira catástrofe porque con seres humanos mortos, non se pode facer un abuso de poder como fixo o cura párroco de Santa Comba”

Rafael Suárez afirma que os veciños sentiron unha mezcla de rabia e impotencia e confesa que “Nunca pensei que o cura fixera isto cun cádaver diante dos seus narices”. Considera unha “provocación” que o Sr. Pintos se negara “a acompañar un defunto” e confirmaba a presentación dunha querella contra o párroco xa que “foi un acto moi desgraciado e nós non podemos admitir este abuso de poder”.

Despois e escoitar a Rafael, tamén escoitamos voces que desde a comisión critican a actuación da Funeraria Carracedo e do que actuaba como Presidente da comisión parroquial e exalcalde de Santa Comba, José Manuel Arufe Rieiro “que agora se esconde”. Porque no fondo latexa o famoso conflicto dos nichos da ampliación do cemiterio xalleiro. Os propietarios afirman que “Nos non nos negamos a terminar o pago pero queremos que terminen as obras. Así foi o que  tratamos.A culpa é do cura e do constructor que non queren facer as cousas”.

As explicación do cura para non acompañar a defunta por presunta situación de ilegalidade tampouco a entenden, xa que en base a esas afirmacións:

“O primeiro que cometeu a ilegalidade foi o cura, el axudou a vender os panteóns  e xa fixo 24 enterramentos”. Os nervos afloran a medida que avanza a conversación, pero Rafael Suárez asegura que seguirán coa súa particular loita e  “Imos tirar para adiante ata que se pronuncie un xuiz”.

Máis información en www.anosacosta.es