“Non se podía ter un barco con dous timóns”

Carlos Negreira, Presidente Provincial PP A Coruña

Encabezou a candidatura do Partido Popular por A Coruña, onde liderou un aumento moi importante e chegou a acta de deputado número 12. Ademáis é Presidente provincial do partido e un dos homes fortes e de confianza de Alberto Núñez Feijóo. Aquí ofrecemos o seu ciberdiálogo:

P-Gustarianos que agora un pouco máis en frío, nos fixera  unha valoración dos resultados
R-Estamos satisfeitos co que votou a cidadanía e que houberan percibido que o do Partido Popular era o mellor proxecto para estos momentos de crise. Tamén estamos cheos de responsabilidade para superar esta situación económica tan difícil. Hai que parar a sangría do paro. Ese é o gran problema. Nos cen primeiros días de goberno imos sacar un plan de choque que necesitamos.

P- Na provincia da Coruña acadou uns excelentes resultados.
R- Foi froito de case catro anos apegados a xente, dialogando coas persoas e vendo os seus problemas. Os responsables dos 94 municipios traballaron. Non se podia ter un barco con dous timóns  e hai que ter un goberno para todos , non só para os do BNG ou os do PSOE.

P- Teñen un importante e duro traballo por diante no mundo rural.
R- Sí e somos conscientes. Hai problemas no campo, co prezo do leite, da carne, ou da madeira, e hai que darlle calidade de vida o rural. A xente do mar ten problemas pero nesta lexislatura devolvéronse cartos. Imos a tentar que volva Pescanova a Touriñán. Hai que poñer o noso peixe en liña de saída e non coma este anterior goberno que apostaba polo peixe panga nas escolas e nos hospitais.

P- En varias localidades da Costa da Morte houbo un rexeitamento considerable ó Plan Acuícola. Vostedes prometeron a supresión de varios proxectos.
R-O Plan acuícola que contempla as plantas de Merexo, Camelle e Seiruga non vai ir adiante, Tal e como prometemos. A acuicultura ten que ser unha fonte de emprego pero con consenso, e non en contra dos veciños.

P- Núñez Feijóo parece que aposta pola austeridade en tempos de crise.
R-É fundamental recuperar a austeriade e o primeiro que se ten que apretar o cinturón e o goberno e a administración pública. Hai partidas nas que se pode aforrar e quitar gastos superfluos e iso hai que devolverllo os cidadáns, con ventaxas fiscais ou por exemplo a supresión do imposto de sucesións e donacións. Hai que axudar os autónomos, o pequeno comercio e as pequenas empresas que teñen o 80% do emprego. Esa é a clave.